Кардиологот Џереми Лондон, кој и самиот преживеал срцев удар, предупреди на важен, но често занемарен знак што може да претходи на инфарктот. Станува збор за симптоми што се појавуваат во текот на нормалните дневни активности, а кои повеќето луѓе ги припишуваат на заморот или стареењето, не сфаќајќи дека нивното тело им испраќа сериозно предупредување.
Доктор Лондон, кој споделува совети за здравје на своите профили на Инстаграм и на Тикток, на едноставен и разбирлив јазик, истакнува дека клучните сигнали не доаѓаат во текот на екстремните напори, туку во секојдневни ситуации, пишува „ЛАДБајбл“.
Мали напори, важни сигнали
„Не зборуваме за тренингот ниту за екстремните напори. Зборуваме за скалите, носењето торби за пазарење, оние мали работи што ги правиме секој ден без размислување“, објаснува докторот.
Токму во овие моменти може да се појави притисок во градите или чувство на недостиг на воздух.
„Не трае долго. Не ве соборува; само ве принудува да застанете. Луѓето го игнорираат тој знак, бидејќи телото како да ‘застанало’, не забележуваат дека очајно сака да ни каже нешто“, објаснил кардиологот.
Ако споменатите симптоми се повторуваат, тоа е знак дека телото не го добива она што му е потребно. Кога е под оптоварување, срцето бара повеќе кислород, но ако крвните садови се затнати или стеснети, не може да го добие доволно. Телото тогаш реагира со краток застаој, што е јасен сигнал за предупредување.
Опасно прилагодување наместо лекување
Проблемот е, истакнува д-р Лондон, што повеќето луѓе го игнорираат тој сигнал или се прилагодуваат на него – почнуваат да го користат лифтот наместо скалите, одат помалку и генерално избегнуваат напор да му „олеснат“ на телото. На овој начин, се навикнуваат на состојба што не е нормална и го игнорираат вистинскиот проблем.
Ретко се појавува само еден сигнал. Отечените нозе, отежнатото дишење при лежење и постојаниот замор често се појавуваат заедно, но многумина ги припишуваат на стресот, возраста или темпото на животот, сведувајќи го сериозниот проблем на нешто што „ќе исчезне само од себе“.
„Полесно е да се поверува дека тоа не е ништо друго отколку да се отвори прашање што може да биде непријатно, но и спасоносно. Телото не ги испраќа повторените сигнали без причина, особено не во моментите кога се покренувате и го оптоварувате. Тоа не е минлива фаза ниту обичен замор, туку јасен момент што не треба да се потценува“, предупредил д-р Лондон.
The post Кардиолог предупреди на еден занемарувачки симптом што предизвикува срцев удар appeared first on Слободен печат.
Кардиолог предупреди на еден занемарувачки симптом што предизвикува срцев удар
