Денвер и Портланд одиграа драматичен и возбудлив натпревар кој со право може да се вброи меѓу најдобрите оваа сезона во НБА.
Иако на десет минути пред крајот гостите имаа убедливо водство од плус 16, кошаркарите на Денвер не се предадоа. Портланд до средината на последната четвртина доминираше и погодуваше од сите позиции, при што реализираа дури 25 тројки и изгледаше дека победата е сигурна.
Сепак, предводени од расположениот Никола Јокиќ, Нагетси постепено се вратија во игра. Клучен момент беше тројката на Ерон Гордон од аголот за водство од плус два на една минута до крајот, со што домаќините најавија пресврт. Јокиќ имаше шанса да стави точка на мечот уште во регуларниот дел, но не успеа да реализира во два наврати.
Во продолжението, сепак, немаше дилеми, Денвер целосно ја презеде контролата и стигна до победа од 137-132.
Јокиќ повторно беше прво име на паркетот завршувајќи со импресивен трипл-дабл од 35 поени, 14 скока и 13 асистенции што беше негов 197. во кариерата.
Кај Портланд, најефикасен беше Тумани Камара со 30 поени, но тоа не беше доволно за да се спречи големиот пресврт на Нагетс.
НБА РЕЗУЛТАТИ:
Атланта – Њујорк Никс 105-108
The post ВИДЕО | Нов трипл-дабл на Јокиќ, Денвер по продолжение ја доби драмата со Портланд appeared first on Слободен печат.
ВИДЕО | Нов трипл-дабл на Јокиќ, Денвер по продолжение ја доби драмата со Портланд
