Тимот на Сан Антонио до својата 60-та победа во регуларниот дел од сезоната во НБА, откако на домашен терен славеа против Филаделфија со 115-102. Сепак, триумфот остана во сенка на повредата на Виктор Вембанјама.
Сè уште нема официјални информации колку долго ќе паузира младиот Французин, кој се повреди уште во првото полувреме. Од клубот преку социјалните мрежи информираа дека 22-годишниот центар нема да се врати на паркетот до крајот на натпреварот. За нешто помалку од 16 минути игра, Вембанјама забележа 17 поени, пет скока и три блокади, потврдувајќи ја кандидатурата за најдобар дефанзивец во лигата.
Victor Wembanyama left the game with a shoulder injury and will not return pic.twitter.com/7k4cxXADUB
— Fullcourtpass (@Fullcourtpass) April 7, 2026
Victor Wembanyama has been ruled out for the rest of the night by the Spurs after he took a fall in the first half. He played 16 minutes, so this counts as one of his two “near-miss” exemptions to the 20-minute threshold on the 65-game rule. #wemby #nba pic.twitter.com/ffIWQEI59C
— The Spectator Key (@spectatorinde) April 7, 2026
Интересно е што Французинот, вклучително и овој натпревар, има одиграно 64 меча сезонава, што е само еден натпревар, односно околу 20 минути помалку од потребниот минимум за конкурирање за индивидуалните награди на крајот од регуларниот дел, меѓу кои и признанието за најкорисен играч.
Во негово отсуство, кај Спарси се истакна Стефон Касл со 19 поени, на кои додаде и 10 скока и 13 асистенции за трипл-дабл учинок. На спротивната страна, најрасположен беше Џоел Ембид со 34 поени и 12 скока.
На врвот на Западната конференција, а воедно и во целата лига, останува Оклахома Сити Тандер со скор 62-16, додека Сан Антонио има одиграно натпревар повеќе и две победи помалку.
ВИДЕО | Нов трипл-дабл на Јокиќ, Денвер по продолжение ја доби драмата со Портланд
The post ВИДЕО | Потенцијален проблем за Сан Антонио – се повреди Вемби appeared first on Слободен печат.
ВИДЕО | Нов трипл-дабл на Јокиќ, Денвер по продолжение ја доби драмата со Портланд
