Силекс прикажа одлична игра на гостувањето во Кавадарци, каде што со убедливи 3-0 го совлада Тиквеш во рамките од 26. коло во Првата македонска фудбалска лига.
Со оваа победа, кратовци влегоа во серија од два последователни триумфи, а иницијативата од самиот старт им донесе резултат уште во 17. минута, кога Пиреш со глава ја затресе мрежата по прецизен корнер на Мирчевски.
Домашниот тим делуваше без идеја и енергија, а единствената посериозна шанса ја имаше Стојанов, но неговиот обид беше лесен плен за голманот Џеков.
Пред паузата, Силекс го зголеми водството, Алиќ во 41. минута, по асистенција на Додев, го постигна својот седми погодок сезонава.
Во второто полувреме немаше промена на ритамот, гостите целосно ја контролираа играта, додека Тиквеш не успеа да се наметне. Конечните 0-3 ги постави резервистот Кристијан Велиновски со атрактивен гол во финишот.
Во другиот натпревар одигран во Куманово, Башкими и Брера ремизираа без голови 0-0.
document.createElement(‘video’);
The post ВИДЕО | Силекс победи во Кавадарци за втор триумф во низа appeared first on Слободен печат.
